جناح سٹیڈیم اسلام آباد میں لائٹس اور کرسیوں کی تنصیب کا کام شروع

 لاہور(سپورٹس رپورٹر)پاکستان سپورٹس بورڈ نے جناح اسٹیڈیم اسلام آباد میں لائٹس اور کرسیوں کی تنصیب کا کام شروع کردیا ہے۔پاکستان نے 6 جون کو فیفا ورلڈ کپ کوالیفائنگ رائونڈ ٹو میں جناح سٹیڈیم اسلام آباد میں سعودی عرب کی میزبانی کرنی ہے جس کے لیے پی ایس بی نے جناح سٹیڈیم میں نئی لائٹس نصب کرنا شروع کردی ہیں۔ذرائع کے مطابق جناح سٹیڈیم میں 225 لائٹس نصب کی جائیں گی جو فیفا قوانین کے عین مطابق ہوں گی۔ 300 سے زائد نئی کرسیاں بھی وی آئی پی انکلوژرز میں لگائی جائیں گی، ایایف سی وفد میچ سے قبل جناح سٹیڈیم کا جائزہ لینے آئے گا۔