راولپنڈی (آئی این پی ) راولپنڈی کے تھانہ ائیرپورٹ کے علاقے گلزار قائد نواز کالونی میں ایل پی جی سلینڈروں کی ایجنسی میں خوفناک آتشزدگی ،شدید آتشزدگی کے دوران سلینڈر ہے در پے دھماکوں سے پھٹتے ر  ہے، آگ کی شدت و دھماکوں کے باعث قریبی مسجد سے آگ بجھانے کی خاطر مدد کے لیے اعلان بھی کیے جاتے رھے شدید آتشزدگی کے باعث ایک شخص جھلس کر زخمی ہوا جبکہ تین منزلہ عمارت کو بھی شدید نقصان پہنچا اور دو موٹر سائیکل بھی جل کر خاکستر ہوگئے۔ تھانہ ائیرپورٹ کی ملحقہ پولیس چوکی کے علاقے نواز کالونی میں شب گئے تین منزلہ عمارت کی نیچلی منزل پر قائم ایل پی جی گیس سلینڈروں کی ایجنسی میں اچانک آگ بھڑک اٹھی آگ اسقدر شدید تھی کہ لمحوں میں ایجنسی کے اندر رکھے سلینڈروں کو لیپٹ میں لے لیا اور سلینڈر وقفے وقفے سیزور دار دھماکوں سے پھٹنا شروع ہوگئے۔فوٹیج بھی سامنے آگی جس میں گنجان آباد علاقے میں سلینڈروں کی ایجنسی مین اچانک آگ لگتے اور پھر شعلے بلند ہونے کے ساتھ وقفے وقفے سے زور دھماکے ہوتے دیکھے و آوازیں سنی جاسکتی ہیں۔ راہ گیر موٹر سائیکل سوار کو بھی آگ دیکھ کربچاو کے لیے اپنا موٹر سایکل جلدی سے موڑ کر دوسری گلی مین جاتے دیکھا جاسکتا ہے۔ ریسکیو 1122 کے 25 ریسکیو اینڈ فائر فائٹرز نے 5 فائر ٹینڈرز کیساتھ آپریشن میں حصہ لیا اور آگ پر قابو پا کر آگ کو پھیلنے سے روک دیا۔