اٹک (اے پی پی)اٹک کی تحصیل فتح جنگ میں تیز رفتار کار درخت سے ٹکرا گئی۔ تین مسافرزخمی ہو گئے۔ ریسکیو ذرائع کے مطابق تحصیل فتح جنگ میں شاہ پور ڈیم کے قریب کار بے قابو ہو کر درخت سے ٹکرا گئی جس کے نتیجے میں 60 سالہ ارشد، 54 سالہ شاہد حکیم اور 56 سالہ عامر ندیم زخمی ہوگئے۔اطلاع ملنے پر ریسکیو 1122 کی 2 ایمبولینسز جائے حادثہ پر پہنچ گئیں زخمیوں کو طبی امداد دیتے ہوئے تحصیل ہیڈ کوارٹر ہسپتال فتح جنگ منتقل کر دیا گیا۔ زخمیوں کا تعلق کوہاٹ سے ہے۔