کراچی (اسپورٹس رپورٹر) پاکستان کرکٹ بورڈ کے زیر اہتمام جاری پی سی بی انڈر19ون ڈے کرکٹ ٹورنامنٹ کے چوتھے مرحلے میں کراچی میں جاری میچوں میں ایبٹ آباد،پشاور،کراچی اور لاہور بلیوز نے اپنے میچز جیت لیے۔نیشنل اسٹیڈیم کراچی پر ایبٹ آباد نے بہاولپور کو چار وکٹوں سے شکست دے دی ،بہاولپور نے پہلے کھیلتے ہوئے 185رنز اسکور کیے جواب میں ایبٹ آباد نے چھ وکٹوں پر ہدف حاصل کر لیا۔یو بی ایل اسپورٹس کمپلیکس پر پشاور نے حیدرآباد کو 113رنز سے مات دی ، ۔این بی پی اسپورٹس کمپلیکس پر کراچی ریجن نے ملتان کو 6وکٹوں سے ہرا دیا ،۔ادھر ٹی ایم سی گرائونڈ پر لاہور بلیوز نے لاڑکانہ کو 7وکٹ سے شکست دی ،لاڑکانہ نے 125رنز بنائے ،اس کی جانب سے عمیر خالد41رنز بناکر نمایاں رہے ،بلال خان اور نسیم شاہ نے تین تین وکٹیں لیں ،جواب میں غلام مصطفی کے61اور سعد علی رفاعی کے42رنز کی بدولت لاہور نے چار وکٹوں پر ہدف حاصل کر لیا ۔گروپ اے کے سلسلہ میں شیدیول چاروں میچ بارش کی نذر ہو گئے