پٹرولنگ پولیس اکھوڑی نے جولائی میں پانچ سو زائد موٹر سائیکل بند کئے

سنجوال کینٹ(نامہ نگار) پٹرولنگ پولیس اکھوڑی چیک پوسٹ نے ریجنل ایس ایس پی راولپنڈی اورانچارج انسپکٹر ضلع اٹک امتیاز اقبال کاظمی کی خصوصی ہدایت پر زیر نگرانی انچارج چیک پوسٹ اکھوڑی راشد اقبال نے 547موٹر سائیکل مکمل کاغذات نہ ہونے پر بند کیے جبکہ 39مسافروں کی مدد کی اور 9ٹریکٹر ٹرالیوں پر حادثات سے بچنے کے لیے ریفلیکٹر لگائے اکھوڑی ، بوٹا ، ناوہ، ہمک، جبی اور گردو نواح کے معززین اور عوام علاقہ نے اکھوڑی چیک پوسٹ کی کارکردگی پر اطمینان کا اظہار کرتے ہوئے انچارج چیک پوسٹ راشد اقبال کی خدمات کو سراہا ہے ۔