لاہور(سپورٹس رپورٹر+نمائندہ سپورٹس) تیسری ایشین انڈر 23 مینز والی بال چیمپیئن شپ میں پاکستان کی مسلسل چوتھے میچ میں بھی کامیابی حاصل کر لی۔ پاکستان ٹیم کوارٹر فائنل میں سری لنکا کو تین ایک سے کامیابی اپنے نام کی۔ میانمار میں جاری چیمپئن شپ میں گذشتہ روز کھیلے جانے والے میچ میں پاکستان ٹیم نے 25-17، دوسرے سیٹ میں 25-20 کے سکور سے کامیابی سمیٹی تو تیسری سیٹ میں سری لنکا نے پاکستان کو 21 کے مقابلے 25 پوائنٹس سے کامیابی حاصل کر کے مقابلہ دو ایک کر دیا جبکہ تیسرے سیٹ میں سخت مقابلے کے بعد پاکستان ٹیم نے 30-28 پوائنٹس سے کامیابی حاصل کر کے میچ تین ایک سے جیت لیا۔ پاکستان ٹیم آج بروز جمعرات کو آسٹریلیا کے خلاف گروپ ای کا آخری میچ کھیلے گی۔ دوسری جانب گروپ ای میں کھیلے جانے والے دوسرے میچ میں چائینز تائپے نے آسٹریلیا کو تین صفر سے مات دی تھی۔ آج کھیلے جانے والی میچز سے چیمپئن شپ کی سیمی فائنلسٹ ٹیموں کا فیصلہ ہوگا۔ پاکستان والی بال فیڈریشن کے چیئرمین چوہدری یعقوب نے کامیابی پر مبارکباد دیتے ہوئے کہا کہ اچھے کھیل کا مظاہرہ کیا تو پاکستان ٹیم چیمپئن شپ کا ٹائٹل جیت جائے گی۔