49 کسٹمز افسروں کے تقرر و تبادلے: صائمہ آفتاب ڈائریکٹر انٹیلی جنس لاہور تعینات 

لاہور (وقائع نگار+ نیوز رپورٹر) لاہور سمیت ملک بھر میں تعینات گریڈ 19تا 20کے49 کسٹمز افسروں کے تقرروتبادلے، ڈائریکٹر کسٹمز انٹیلی جنس سید اسد رضا رضوی کا لاہور سے کراچی تبادلہ، صائمہ آفتاب کو ڈائریکٹر کسٹمز انٹیلی جنس لاہور تعینات کر دیا گیا۔ ڈائریکٹر کسٹمز انٹیلی جنس سید اسد رضا رضوی کا لاہور سے کراچی تبادلہ کردیا گیا ہے۔ سید اسد رضا رضوی کی بطور ڈائریکٹر لاہور میں تعیناتی کے دوران سمگلرز کیخلاف ریکارڈ چھاپہ مار کارروائیاں کی گئیں۔ سید اسد رضا رضوی کو کلکٹر کسٹمز ایکسپورٹ کراچی، کلکٹر کسٹمز علامہ اقبال انٹرنیشنل ایئرپورٹ عظمت طاہرہ کا تبادلہ کر کے ڈائریکٹر کسٹمز ویلیوایشن تعینات کر دیا گیا ہے۔ مرزا مبشر بیگ کلکٹر اپریزمنٹ لاہور، کلکٹر کراچی محمد جمیل ناصر کو چیف ایف بی آر ہیڈکوارٹر تعینات کر دیا گیا ہے۔ کلکٹر اپریزمنٹ محمد محسن رفیق کو کلکٹر ایڈجوڈیکیشن، کلکٹر اپیلز نورین احمد تارڑ کو ڈائریکٹر پی سی اے سنٹرل، ڈائریکٹر کسٹمز ویلیوایشن لاہور عنبرین احمد کو کلکٹر سمبڑیال، کلکٹر ایڈجوڈیکیشن لاہور آصف عباس کو ڈائریکٹر کسٹمز انٹیلی جنس ملتان ، کلکٹر ملتان منیزہ مجید کا لاہور تبادلہ کر کے کلکٹر اپیلز تعینات کیا گیا۔