لاہور میں لاکھوں کے ڈاکے‘ کئی فیملیاں لٹ گئیں 

لاہور (وقائع نگار) چوری وڈکیتی کی متعدد وارداتوں میں شہریوں سے لاکھوں روپے، زیورات، موبائل فون، موٹر سائیکلوں اور گاڑیوں سمیت دیگر قیمتی سامان سے محروم کر دیا گیا۔ ذرائع کے مطابق مانگا منڈی  موٹر سائیکل سوار ڈاکو گن پوائنٹ پر تنویر نامی شہری کے جنرل سٹور میں گھس کر گن پوائنٹ پر 1لاکھ 30 ہزار، گجر پورہ کے علاقہ میں ڈاکوئوں نے سراج نامی شخص کے میڈیکل سٹور میں گھس کر گن پوائنٹ پر 60ہزار نقدی جبکہ ڈیفنس بی میں ڈاکو فیصل سلطان اور فیملی سے 5 لاکھ مالیت نقدی اور طلائی زیوارات، سبزاہ زار میں ڈاکوئوں نے شجاع سے گن پوائنٹ پر1لاکھ 80 ہزار مالیت نقدی و موبائل فون، شفیق آباد کے علاقے میں ڈاکوئوں نے مجاہد سے 55 ہزار نقدی و موبائل فون، شاہدرہ ٹائون کے علاقہ میں ڈاکوئوں نے اسلم حسن سے 40 ہزار کی نقدی و موبائل فون، چوہنگ میں ڈاکو شمیم سے 5ہزار نقدی اور قیمتی موبائل فون چھین کر فرار ہو گئے۔ جبکہ مصطفی ٹائون اور سرور روڈ سے گاڑیاں، اچھرہ، مصری شاہ،گڑھی شاہو، سندر اور راوی روڈ سے موٹر سائیکلیں چوری کر لی گئیں۔