میرپور (اسپورٹس ڈیسک )کشمیر پریمیر لیگ  میںمظفر آباد ٹائیگرز نے اوورسیز وارئیرز کو دلچسپ مقابلے کے بعد  7وکٹوں سے قابو کر لیا  جبکہ  باغ اسٹالین نے کوٹلی لائنز کو 5وکٹس سے ہرا کر ایونٹ کادوسرا میچ جیت لیا۔کے پی ایل  سیزن ون  میں  باغ اسٹالین نے کوٹلی لائنز کو 5وکٹس سے ہرا کر ایونٹ کادوسرا میچ جیت لیا۔ہفتہ کو کھیلے گئے ،میچ میں اوورسیز نے 8وکٹس پر 153رنز بنائے تھے جسے مظفر آباد ٹایگرز نے 3وکٹوں کے نقصان پر 156رنز بنا کر پورا کر لیا اور ایونٹ کی پہلی فتح سمیٹی قبل ازیں کھیلے گئے میچ میں کوٹلی لائنز پہلے کھیلتے ہوئے 169رنز بنا کر آئوٹ ہو گئی۔آصف بدر اور سیف بدر نے 39,39رنز بنا کر نمایاں رہے۔محمد عمران اور عمید آصف نے تین تین کھلاڑیوں کو آئوٹ کیا۔ باغ اسٹالین نے مطلوبہ ہدف 172رنز 5وکٹس پر پورا کر لیا اور ایونٹ میں فاتحانہ آغاز کیا۔فاتح ٹیم کے اسد شفیق نے 43رنز ناٹ آئوٹ بنا کر نمایاں رہے۔کوٹلی کے عمران خان نے 30رنز ے کر تین کھلاڑیوں کو آئوٹ کیا۔گزشتہ روز کھیلے گئے افتتاحی میچ میںراولا کوٹ ہاکس نے میر پور رائلز کو شکست دے دی۔تفصیلات کے مطابق میرپوررائلز نے ٹاس جیت کر پہلے بولنگ کرنے کا فیصلہ کیا تو احمد شہزاد اور بسم اللہ خان نے اس فیصلے کا خیرمقدم کرتے ہوئے پاورپلے میں 54 رنز بنا ڈالے، نویں اوور میں اس شراکت کی سنچری مکمل ہوئی تو احمد شہزاد نے بھی نصف سنچری تک رسائی حاصل کرلی۔ میر پور رائلز کو پہلی کامیابی اس وقت ملی جب گیارہویں اوور میں عماد بٹ نے 59رنز بنانے والے بسم اللہ خان کو بولڈ کردیا۔ وکٹ کیپر بیٹسمین نے 4 چوکوں اور 4 چھکوں کی مدد سے 34گیندوں پر دلکش اننگز کھیلی۔عمر امین محض 4رنز بنا کر عماد بٹ کا دوسرا شکار بنے۔