اسلام آباد (نمائندہ خصوصی +آئی این پی) وزیراعظم عمران خان نے الیکٹرانک ووٹنگ مشین سے ووٹ کاسٹ کرنے کا تجربہ کیا، وزیر سائنس و ٹیکنالوجی شبلی فراز نے بتایا کہ ایک بٹن دبا کر نتائج حاصل کئے جا سکتے ہیں، عمران خان نے مقامی طور پر بنی الیکٹرانک ووٹنگ مشین(ای وی ایم)کا تفصیلی مظاہرہ کیا، وزیر سائنس و ٹیکنالوجی شبلی فراز نے اپنی وزارت کے عہدیداروں کے ساتھ عمران خان کو الیکٹرانک ووٹنگ مشین (ای وی ایم) کے حوالے سے بریفنگ دی، شبلی فراز نے بتایا کہ سافٹ ویئر کو اعلیٰ معیار کے مطابق بنایا گیا ہے، مشین کو انٹرنیٹ کی بھی ضرورت نہیں، صرف ایک بٹن دبا کر نتائج حاصل کئے جاسکتے ہیں، وزیر اعظم عمران خان نے ای وی ایم مشین سے اپنا ووٹ بھی کاسٹ کیا اور شبلی فراز سمیت ان کی ٹیم کو ایسی ای وی ایم تیار کرنے پر مبارکباد دی۔