لاہور(سپورٹس رپورٹر) کشمیر پریمیئر لیگ میں باغ سٹالینز نے کوٹلی لائنز کو پانچ وکٹوں سے شکست دیدی ۔ کوٹلی لائنز نے ٹاس جیت کر بیٹنگ کرنے کا فیصلہ کیا ۔ احسان علی نے 37 بالز پر 51 رنز کی اننگز کھیلی۔ سیف بدر اور آصف علی نے39,39رنز بنا ئے۔کوٹلی لائنز کی ٹیم 169 تک محدود رہی۔ آخری اوور میں عمید آصف کے چھکے نے باغ سٹالیئنز کو 5وکٹوں سے فتح دلوا دی۔ اسد شفیق نے 27گیندوں پر 43رنز کی ناقابل شکست اننگز کھیلی۔عمران خان نے تین اور خرم شہزاد نے دو کھلاڑیوں کو آوٹ کیا ۔ احسان علی کومین آف دی میچ کا ایوارڈ دیا گیا۔تیسرے میچ میں مظفر آباد ٹائیگرز کو اوور سیز واریئر زکو شکست دیدی ۔ مظفرآباد ٹائیگرز کیخلاف اوورسیز واریئر نے ٹاس جیت کر فیلڈنگ کا فیصلہ کیا۔اوورسیز واریئر نے 8 وکٹوں پر 153 رنز بنائے۔ناصر نواز 35اور کپتان عماد وسیم 34رنز بناکر نمایاں رہے ۔ اسامہ میر نے تین اور ارشد اقبال نے دو کھلاڑیوںکو آئوٹ کیا ۔ مظفر آباد ٹائیگر ز نے ہدف 3وکٹوں پرپورا کرلیا ۔ صہیب مقصود 52اور سہیل اختر 58رنز پر ناقابل شکست رہے ۔ اسامہ میر کو میچ کا بہترین کھلاڑی قرار دیا گیا ۔