نوٹنگھم ٹیسٹ :جوروٹ کی سنچری ‘انگلینڈ 303پر آئوٹ ‘بھارت کو جیت کیلئے مزید 157رنز درکار، 9وکٹیں باقی 

لاہور (سپورٹس ڈیسک) انگلینڈ کی ٹیم بھارت کے خلاف سیریز کے پہلے ٹیسٹ میچ کی دوسری اننگز میں 303رنز بناکر آئوٹ ہو گئی ۔ کپتان جوروٹ نے 109رنز بنائے ۔ جسپریت بمراہ نے پانچ کھلاڑیوں کو آئوٹ کیا ۔نوٹنگھم میں کھیلے جارہے میچ میں بھارت کو میچ جیتنے کیلئے 209رنز کا ہد ف ملا ہے ‘مہمان ٹیم نے ایک وکٹ پر 52رنز بنالئے ہیں ۔ میچ جیتنے کیلئے مزید 157رنز درکار جبکہ نو وکٹیں باقی ہیں ۔ آج میچ کا آخری دن ہے ۔