پی سی بی کا ڈومیسٹک سیزن15 ستمبرسے30مارچ  کے درمیان ہوگا

ملتان (سپورٹس ڈیسک) پی سی بی نے ڈومیسٹک سیزن 15 ستمبر 2021 سے تیس مارچ 2022 کے درمیان مکمل کروانے کا فیصلہ کرلیا۔ ذرائع کے مطابق 15 ستمبر سے نیشنل T20 کپ سے ڈومیسٹک سیزن کے آغاز کیا جائے گا جو 3 اکتوبر کو ختم ہوگا،نیشنل T20 کپ فیصل آباد، ملتان اور لاہور میں کروانے کا فیصلہ کرلیا گیا۔ذرائع کے مطابق کرکٹ ایسوسی سیشن T20 کپ کے تمام میچ کوئٹہ میں 15 سے 22 اکتوبر کے درمیان کھیلے جائیں گے۔ذرائع نے بتایاکہ نیشنل انڈر 19 کے ٹورنامنس 3 اکتوبر سے 12 نومبر کے درمیان شیخوپورہ، سیالکوٹ, راولپنڈی اور مریدکے میں کھیلے جائیں گے۔ ذرائع نے بتایا کہ قائدِ اعظم ٹرافی 11 اکتوبر سے 24 دسمبر کے درمیان لاہور، فیصل ا?باد، ملتان، راولپنڈی، ایبٹ آباد، کوئٹہ اور کراچی میں کھیلے جائیں گے، پاکستان کپ 25 فروری سے 30 مارچ کے درمیان لاہور فیصل آباد اور ملتان میں کھیلے جائیں گے۔