فیروزوالہ( نامہ نگار) محکمہ انہار کی ٹیموں نے مختلف مقامات پر چھاپے مار کر نہری پانی چوری کرتے ہوئے 15 بااثر زمینداروں سمیت 200 افراد کے خلاف نہری پانی چوری کرنے اور راجباہ کو نقصان پہنچانے کے الزام میں مقدمات درج کر لئے۔ ایس ڈی او سب  ڈویژنل سکھاں والا ملک محمد مختار نے ٹیم کے ہمراہ ککٹری پور اور دیگر علاقوں میں چھاپے مار کر پانی چوری کرتے ہوئے درجنوں افراد کو پکڑ لیا۔ اس ضمن میں پولیس نے ریاست، تنویر، نذیر احمد سجاد وغیرہ کے خلاف مقدمات درج کر لئے۔ ایس ڈی او مانگتا والا اقبال صدیقی نے دیگر عملے کے ہمراہ ٹھٹھی بھنگواں، ادوسیر اور دیگر علاقوں میں چھاپے مار کر نہری پانی چوری کرتے ہوئے ڈیڑھ سو کے قریب افراد کو پکڑ لیا۔ پولیس نے اس ضمن میں مقدمات درج کر لیے۔ محکمہ انہار کے مطابق مذکورہ افراد نے نہری پٹریوں کو نقصان پہنچایا ہے۔