فنڈز کا سیا سی استعمال بر طا نیہ میں پاکستا نی خیراتی  اداروں کیخلاف تحقیقات شروع

لندن (نوائے وقت رپورٹ) برطانیہ میں پاکستانی خیراتی اداروں کے خلاف تحقیقات کا آغاز کردیا گیا ہے۔ ذرائع کے مطابق برطانوی اداروں نے تحقیقات کا آغاز کیا ہے۔ چیرٹی کمشن اور نیشنل کرائم ایجنسی تحقیقات کر رہے ہیں۔ خیراتی اداروں کے نام پر اکٹھے کئے گئے فنڈز سیاسی مقاصد کیلئے پاکستان بھجوانے اور استعمال کرنے کا الزام ہے۔ تحقیقات کا آغاز دونوں اداروں کو شکایات موصول ہونے کی بعد کیا گیا ہے۔ اس حوالے سے ذرائع نے مزید بتایا کہ پاکستان میں قائم ہسپتال اور یونیورسٹی کے نام پر برطانیہ میں فنڈز اکٹھے کئے گئے جو بعد میں سیاسی مقاصد کیلئے استعمال ہوئے۔ برطانوی تحقیقاتی اداروں کو شکایات کے ساتھ ثبوت بھی دیئے گئے ہیں۔ درخواست کے ساتھ الیکشن کمشن آف پاکستان کا تفصیلی فیصلہ اور فنانشل ٹائمز کی خبر اور سیاسی جماعت کے تفصیلی اکاؤنٹس بھی مہیا کئے گئے ہیں۔