دینہ (نامہ نگار) دینہ کے نواحی علاقہ میں ٹریکٹر ٹرالی اُلٹنے سے 14سالہ ساتویں جماعت کا طالب علم جاں بحق جبکہ  15کے قریب زخمی، بچے کی میت گھر پہنچتے ہی پھو پھو صدمہ برداشت نہ کر سکی اور دل کا دورہ پڑنے سے انتقال کر گئیں۔ دونوں کی میتیں اٹھیں تو کہرام مچ گیا۔ پھڈیال کے رہائشی بچے ٹریکٹر ٹرالی کے ذریعے سکول سے گھر جا رہے تھے کہ راستے میں ٹریکٹر ٹرالی بے قابو ہو کر اُلٹ کر کھائی میں جا گری، جس سے ٹریکٹر ٹرالی پر سوار ساتویں جماعت کا 14سالہ طالب علم جاں بحق جبکہ 15 طالب علم شدید زخمی ہو گئے۔ بچے کی میت گھر پہنچتے ہی اس کی پھو پھو صدمہ بر داشت نہ کر سکی اور دل کا دورہ پڑنے سے خالق حقیقی سے جا ملی۔
ٹرالی حادثہ