باغبانہ توتک پارکو نوغے خط کپر گھوڑاوہ و ملحقہ علاقوں کو  پی بی 19 میں  شامل کرنا خوش آئند ہے:پی پی خضدار

خضدار(نامہ نگار) پیپلزپارٹی  خضدار  کے سینئر رہنماء  چیف یاسر بلوچ نے خضدار کی نئی حلقہ بندیوں پر بے حد مسرت کا اظہار کرتے ہوئے کہا کہ الیکشن کمیشن نے دانشمندانہ فیصلہ دیتے ہوئے باغبانہ توتک پارکو نوغے خط کپر گھوڑاوہ و ملحقہ علاقوں کو خضدار کے حلقہ پی بی 19 میں  شامل کیا ہے جس سے ان علاقوں کے عوام کے اعتماد میں  اضافہ ہوگا۔ انہوں نے کہا نئی حلقہ بندیوں کے باعث بہت ساری جماعتوں کی پوزیشن حقلہ پی بی 19 سے مستحکم ہوئی اور ان میں  پیپلزپارٹی سر فہرست۔ میں ذاتی طور پر پی بی 19 کے علاقہ باغبانہ کے مختلف علاقوں سے ووٹ نکالنے میں  کامیاب ہوجائونگا ان حلقہ بندیوں سے پی پی پی کا ووٹ منتشر ہونے سے بچ گیا ۔یہاں پر میرے ووٹرز کثیر تعداد میں  موجود ہیں جن کے تمام ووٹ پیپلزپارٹی اور نواب ثناء  اللہ خان زہری کے حق میں  جائیں گے اور ہم بہتر انداز میں الیکشن فائٹ کرنے کی پوزیشن میں آجائیں گے۔