سید پور میں مسلسل بارش کی اطلاع پرایم ڈی واسا نے عملہ الرٹ کردیا 

راولپنڈی (اپنے سٹاف رپورٹر سے)ایم ڈی واسا محمد تنویر نے اتوار کی رات نالہ لئی کے کیچمنٹ ایریا سید پور میں مسلسل بارش کی اطلاع  پر عملے کو الرٹ رہنے کی ہدایت کردی واسا کو محکمہ موسمیات نے اطلاع دی کہ اس وقت سید پور میں 50ملی میٹر بارش ریکارڈ کی جا چکی ہے جس پر ایم ڈی واسا نے عملے کو ہدایت کی کہ کمیٹی چوک انڈرپاس، اصغر مال چوک مری روڈ، کمرشل مارکیٹ، خیابان سرسید اور چکلالہ ائرپورٹ روڈ کیلیے مشینری کے ہمراہ تیار رہیں جبکہ نالہ لئی کے اطراف بھی عملے کو پانی کے لیول کی نگرانی کا حکم دے دیا۔