گوجرانوالہ (نمائندہ خصوصی ) پنجاب کونسل آف دی آرٹس گوجرانوالہ ڈویژن کے زیراہتمام بسلسلہ تقریبات جشن آزادی 2023 کا شیڈول جاری کر دیا گیا جس کے مطابق آزادی مشاعرہ5 اگست‘ تھیٹر پرفارمنس10 اگست‘ پیٹنگ اور ٹیبلو مقابلے12 اگست‘ آزادی میوزک ایوننگ12 اگست ‘ فلیگ ہوسٹنگ اور کیک کٹنگ تقریبات14 اگست کو ہوں گی۔جشن آزادی کی تقریبات میں عمارت کی برقی قمقموں سے چراغاں،پرچم کشائی،آزادی مشاعرہ، مقابلہ ٹیبلو،مقابلہ مصوری،تھیٹر پرفارمنس، تصویری نمائش روشنی کا سفر،محفل موسیقی، جشنِ آزادی واک اور کیک کاٹنے کی تقریبات شامل ہیں۔