تربت (نوائے وقت رپورٹ) بلوچستان کے ضلع تربت کیچ کے علاقے بالگتر میں سڑک کنارے بارودی سرنگ پھٹنے سے گاڑی میں سوار 7 افراد جاں بحق ہوگئے۔ لیویز حکام کے مطابق مقامی یونین کونسل کے چیئرمین اسحاق بلوچ اپنے 6 رشتے داروں کے ہمراہ شادی کی تقریب سے واپس آرہے تھے۔ بالگتر کے مقام پر سڑک کنارے نصب باروری سرنگ پھٹنے سے ان کی گاڑی مکمل طور پر تباہ ہوگئی۔ حکام نے بتایا دھماکے میں جاں بحق 6 افراد کا تعلق نلی بازار اور ایک کا پنجگور سے ہے۔ واقعے کی اطلاع ملنے پر لیویز حکام موقع پر پہنچ گئے اور نعشوں کو ہسپتال منتقل کیا۔ دوسری جانب ڈاکو¶ں کی فائرنگ سے 2 لیویز اہلکار شہید جبکہ 3 شدید زخمی ہو گئے۔ بلوچستان کے ضلع موسیٰ خیل کے نواحی علاقے راڑہ شم میں مسلح ڈاکو¶ں کی موجودگی کی اطلاع پر لیویز فورس کارروائی کے لئے پہنچی تو لیویز اہلکاروں کو دیکھ کر ڈاکو¶ں نے اندھا دھند فائرنگ شروع کر دی۔
دھماکہ