پاکستان فرنیچر کونسل کا وفد  انیٹکس سری لنکا نمائش میں شرکت کیلئے روانہ 

لاہور(کامرس رپورٹر)پاکستان فرنیچر کونسل کا وفد بندرانائیکے میموریل انٹرنیشنل کانفرنس ہال کولمبو میں  ہونے والے انٹیکس سری لنکا کے 15ویں ایڈیشن میں شرکت کیلئے   روانہ ہوگیا۔ وفد کے رہنما محمد اریب نے روانگی سے قبل  صحافیوں سے گفتگو کرتے  کہا کہ پی ایف سی اس صنعت کے ورلڈ لیڈرز کے ساتھ نیٹ ورکنگ اور اعلیٰ معیار کے پاکستانی کپڑوں اور دستکاری کو فروغ دینے کیلئے پر عزم ہے۔ کولمبو میں یہ نمائش صنعت میں جدید  رجحانات، ٹیکنالوجیز اور اختراعات سے متعلق آگاہی  کا بہترین موقع فراہم کرتی ہے ۔