گوجرانوالہ(نمائندہ خصوصی )تھانہ گرجاکھ کے علاقوں میں ڈکیتی کی دو بڑی وارداتیں ، ڈاکوئوں نے مزاحمت کرنے پر خاتون کو فائرنگ کرکے زخمی کر دیا ، محلہ محمد آباد کے رہائشی اویس کے گھر ڈاکو داخل ہو گئے جنہوں نے اہلخانہ کو یرغمال بناکر لوٹ مار شروع کر دی اس دوران نصرت بی بی نے مزاحمت کر دی جس پر ڈاکوئوں نے فائرنگ کر کے اسے زخمی کر دیا اورنقدی ، طلائی زیورات اوردیگر سامان لوٹ کر فرارہو گئے۔ مضروبہ کو طبی امداد کیلئے ہسپتال منتقل کر دیا گیا ۔علاقہ رسولپورہ میں شہزاد کے گھر ڈاکو داخل ہوئے ، 20لاکھ روپے نقدی ،بیس تولے طلائی زیورات اور قیمتی اشیاء لوٹ کر فرارہو گئے۔