گوجرانوالہ(نمائندہ خصوصی )شہر اور مضافات میں موسلادھار بارش سے گیپکو کے کئی فیڈرز متاثر ،وولٹیج کی کمی بیشی سے شہریوں کا سامان الیکٹرانکس سامان جل گیا۔تفصیل کے مطابق گزشتہ رو ز شہر کے مختلف حصوں میں ہونیوالی موسلادھاربارش کے دوران سول لائن،ماڈل ٹائون، وحدت کالونی، لوہیانوالہ، پیپلزکالونی، نوشہرہ روڈ،حافظ آباد روڈ، فرید ٹائون،راہوالی،مدینہ کالونی،جناح روڈ اور دیگر علاقوں میں گیپکو کے درجنوں فیڈرز ٹرپ کرگئے جبکہ وولٹیج کی کمی بیشی کے سبب کئی شہریوں کاسامان الیکٹرانکس بھی جل گیا بعض مقامات پر شارٹ سرکٹ کے واقعات بھی سامنے آئے تاہم ٹرپ ہونیوالے فیڈرز سے بجلی کی سپلائی رات گئے تک ممکن نہ ہوسکی جس کی وجہ سے شہریوں کو شدید مشکلات کاسامنا رہا ۔