پیرس اولمپکس: ٹائیکوانڈو مقابلے سعودی خاتون اتھلیٹ اسرائیلی  حریف کو ہرا کر کوارٹر فائنل میں پہنچ گئیں 

 لاہور(سپورٹس رپورٹر) پیرس اولمپکس 2024 میں خواتین کے ٹائیکوانڈو مقابلے میں سعودی عرب کی اتھلیٹ دنیا ابو طالب نے جیت کر کوارٹر فائنل میں رسائی حاصل کر لی ہے۔فرانس کے دارالحکومت پیرس میں ہونے والے ویمنرز ٹائیکوانڈو انڈر 49 کلوگرام ویٹ کلاس کے راؤنڈآف 16 مقابلے میں دنیا ابو طالب نے اسرائیلی اتھلیٹ اویشاگ سیمبرگ کو 1-2 سے شکست دی۔دنیا ابو طالب مقابلے کا پہلا راؤنڈ 2-6 سے ہار گئی تھیں، دوسرے اور تیسرے راؤنڈ میں انہوں نے اویشاگ سیمبرگ کو 5-4 اور 10-0 سے شکست دی جس کے بعد اسرائیلی خاتون اتھلیٹ اشکبار ہوگئیں۔واضح رہے دنیا ابوطالب اولمپکس کیلئے براہ راست کوالیفائی کرنے والی سعودی عرب کی پہلی خاتون ہیں۔