لاہور(سپورٹس رپورٹر)پاکستانی اتھلیٹ ارشد ندیم پیرس اولمپکس میںآج جیولن تھرو ایونٹ کے فائنل میں جوہر دکھائیں گے۔فائنل مقابلہ آج رات 11 بجکر 25 منٹ پر کھیلا جائیگا۔فائنل راؤنڈ میں مجموعی 12 پلیئرز جگہ بنائیں گے، 84 میٹر تھرو کی تعداد 12 سے کم ہونے پر بہترین تھرو والے پلیئرزکوالیفائی کرپائیں گے،جیولین تھرو مقابلوں میں 32 پلیئرز 2 گروپس میں ایکشن میں ہوں گے۔کرکٹ، ہاکی ودیگر کھیلوں کے لیجنڈز کھلاڑیوں شاہد آفریدی، اعصام الحق، مشتاق احمد، طاہر زمان، پلوشہ بشیر سمیت کئی ستاروں نے ارشد ندیم کی کامیابی کیلئے نیک خواہشات کا اظہار کیا اور کہا کہ ان کی جیت کی خواہش سے ہی قوم پرجوش ہوگئی ہے اورقوم نے دعائیں شروع کردیں۔ ہر دل کی آواز، ہر لب پر دعائیں اور نیک تمنائیں ہیں کہ ارشد ندیم پیرس میں سبز ہلالی پرچم بلند کریں۔ملک کے سٹارز اور پوری قوم دعاگو ہے کہ ارشد ندیم اولمپکس کے جیولن تھرو مقابلے میں طلائی تمغہ جیتیں۔