بھیرہ (نامہ نگار) تلخ کلامی کا بدلہ لینے کیلئے آتشیں اسلحہ سے مسلح 2 بھائیوں نے ساتھی کے ہمراہ اندھا دھند فائرنگ کر کے 2 افراد کو موت کے گھاٹ اتار دیا، بتایا گیا ہے کہ نواحی قصبہ خیرپور نون کی جناح کالونی کے عنصر کی اپنے چچا کی فاتحہ خوانی پر سفیر وغیرہ سے کسی بات پر تلخ کلامی ہو گئی جس کا بدلہ لینے کے لیے سفیر نے اپنے بھائی انصر اور ساتھی منیر کے ساتھ عنصر اور زیب پر اس وقت شدید فائرنگ کر دی جب وہ خیر پور روڈ سے گذر رہے تھے فائرنگ سے عنصر موقع پر جاں بحق جبکہ شدید زخمی زیب نے ہسپتال جا کر دم توڑ دیا۔