لاہور(سپورٹس رپورٹر)پیرس اولمپکس میں شریک آسٹریلوی ہاکی ٹیم کے رکن ٹام کریگ کو گرفتار کر لیا گیا۔ آسٹریلین ہاکی ٹیم کے پلیئر کو کوکین خریدنے کے الزام میں گرفتار کیا گیا ہے۔فرانسیسی حکام کا کہنا ہے کہ 19 سالہ کوکین فروش اور 28 سالہ آسٹریلوی خریدار پیرس میں گرفتار ہوئے۔ پبلک پراسیکیوٹر نے کہا کہ خریدار کے بارے میں بتایا گیا کہ وہ آسٹریلین ہاکی ٹیم کا ممبر ہے۔ آسٹریلوی میڈیا کا کہنا ہے کہ گرفتار کھلاڑی ٹیم کے سٹرائیکر ٹام کریگ ہیں، وہ 2021ء اولمپکس کی سلور میڈلسٹ ٹیم کا بھی حصہ تھے۔