یوئیفا چیمپینزلیگ کے گروپ مرحلے کے تحت پہلے چارگروپوں کے آٹھ میچزکھیلے گئے جس کے بعد انٹر میلان، لیون، ماچسٹریونائٹیڈ، بارسلونا، کوپن ہیگن، ویلنشیا، شالکے فور اورٹوٹن ہیم نے ناک آؤٹ مرحلے کے لئے کوالیفائی کرلیا۔ منگل کی رات کھیلے گئے اہم میچزمیں بارسلونا نے روبن کازان کے خلاف دو گول سے کامیابی حاصل کی۔ فاتح ٹیم کی جانب سے فونٹاس اوروازکوئز نے گول سکور کئے۔ انگلش کلب مانچسٹریونائیٹڈ اور ہسپانوی کلب ویلنشیا کے درمیان کھیلا گیا میچ جو ایک، ایک گول سے برابر رہا۔ دیگرمیچزمیں شالکے فورنے بینفیکا کو دو ایک ، ورڈربریمن نے انٹرمیلان کوتین صفراورکوپن ہیگن نے پینتھیناکوس کوتین ایک سے شکست دے دی۔