شانتی نگر کے علاقے چندرا چوک میں پڑےخالی پلاٹ میں محنت کشوں کی جھونپڑیوں میں اچانک آگ بھڑک اٹھی جس نے دیکھتے ہی دیکھتےمزید دو سو کے قریب جھونپڑیوں کو اپنی لپیٹ میں لے کر مکمل طور پر خاکستر کردیا اس موقع پر فائر بریگیڈ کی دس سے زائد گاڑیوں نے موقع پر پہنچ کر آگ کو مزید پھیلنے سے روک لیا۔ پراسرار طورپر لگنے والی آگ اس وقت بھڑکی جب جھونپڑیوں کے رہائشی محنت مزدوری کے لیے اپنے بچوں کو جھونپڑیوں میں چھوڑ کر روزگار کے لیے نکلے ہوئے تھے۔ اس موقع پر وقت نیوز سے گفتگو کرتے ہوئے متاثرین کا کہنا تھا کہ یہ آتشزدگی کا تیسرا واقعہ ہے۔ اس سے قبل بھی دو مرتبہ پراسرار آگ نے ان کی بستی کو جلاکر خاکستر کردیا تھا۔