گزشتہ چوبیس گھنٹوں کے دوران ملک کے بیشتر علاقوں میں موسم خشک رہا۔ آج ملک میں کم سے کم درجہ حرارت قلات میں منفی آٹھ ڈگری سینٹی گریڈ ریکارڈ کیا گیاجبکہ کوئٹہ میں منفی سات، دالبندین منفی پانچ، گوپس منفی چار، کالام منفی تین، استور منفی دو، اسلام آباد، مظفرآباد اور پشاور چھ، لاہور گیارہ، ملتان اور فیصل آباد نو، کراچی سولہ، گلگت ایک اور مری میں پانچ ڈگری سینٹی گریڈ رہا۔محکمہ موسمیات کے مطابق ملک کے شمالی علاقے اگلے چند روز کے دوران سرد ہواؤں کی لپیٹ میں رہیں گے جس سے سردی کی شدت میں مزید اضافے کا امکان ہے۔