گوجرانوالہ (نمائندہ خصوصی) پنجاب سافٹ بال ویمن کی کپتان نازیہ نذیر نے کہا کہ لڑکیاں بھرپور فارم میں ہیں‘ آج سولہ رکنی ٹیم نیشنل چیمپئن شپ میں شرکت کےلئے کراچی روانہ ہونگی۔ ان خیالات کا اظہار انہوں نے جناح سٹیڈیم میں تربیتی کیمپ کے آخری روز” نوائے وقت“ سے گفتگو کرتے ہوئے کیا۔ انہوں نے بتایا کہ نیشنل چمپئن شپ میں چاروں صوبوں کے علاوہ اسلام آباد اور آرمی کی ٹیم شرکت کرے گی جن کے ساتھ مقابلہ کے لئے ہم مکمل طور پر تیار ہیں اور ہماری ٹیم ہر لحاظ سے مضبوط ہے۔