ہاکی چیمپئنز سیمی فائنل ، پاکستان آج ہالینڈ کے خلاف میدان میں اترے

میلبورن (این این آئی) پاکستان 34 ویں چیمپئنز ٹرافی ہاکی ٹورنامنٹ کے سیمی فائنل میں آج ہالینڈ کے خلاف میدان میں اتریگا جبکہ پاکستانی ٹیم کے کپتان محمد عمران نے کہا ہے کہ ملک کےلئے بڑا انٹرنیشنل ٹائٹل جیتنا دیرینہ خواب ہے¾ جیتنے کی پوری کوشش کرینگے¾ کھلاڑی یک جان ہو کر کھیلیں تو ہم جیت سکتے ہیں۔ تفصیلات کے مطابق میگا ایونٹ کے پہلے سیمی فائنل میچ میں بھارتی ٹیم دفاعی چیمپئن آسٹریلیا کے مدمقابل ہو گی جبکہ دوسرا سیمی فائنل پاکستان اور ہالینڈ کی ٹیموں کے درمیان کھیلا جائے گا۔ اس سے قبل گروپ میچ میں پاکستانی ٹیم کو ہالینڈ کے ہاتھوں شکست کا سامنا کرنا پڑا تھا تاہم پاکستان نے بیلجیئم کی ٹیم کو شکست دی تھی، تیسرے میچ میں بھی پاکستان نے آسٹریلیا کو ٹف ٹائم دیا، میزبان ٹیم پنالٹی کارنر پر ایک گول کرنے میں کامیاب رہی تھی۔ جرمنی کے خلاف شاندار فتح حاصل کرنے کے بعد ٹیم کا مورال بلند ہے۔ یاد رہے کہ ایونٹ کا فائنل کل 9 دسمبر کو کھیلا جائے گا دوسری جانب قومی ٹیم کے کپتان محمد عمران نے کہا کہ چیمپئنز ٹرافی کوارٹر فائنل میں جرمنی کو شکست دینے کے بعد ٹیم کا مورال بلند ہے۔