لاہور(سپورٹس رپورٹر) پاکستان جوڈو فیڈریشن نے 8 ویں ایشین کیڈٹ اور 15 ایشین جونیئر جوڈو چیمپئن شپ کے لئے قومی اتھلیٹس کے ناموں کا اعلان کر دیا ہے۔ ایشین گیڈٹ میں افتخار احمد اور ایم شعیب جبکہ ایشین جونیئر چیمپئن میں ہجرت اﷲ اور وجاہت سرور پاکستان کی نمائندگی کرینگے۔ 11 سے 14 دسمبر تک بنکاک میں چیمپئن شپ کےلئے پاکستان کی چھ رکنی ٹیم کل بروز منگل کو روانہ ہوگی۔ ایشین کیڈٹ کی 55 کلو گرام کلاس میں افتخار احمد اور 60 کلو گرام کلاس میں ایم شعیب ملک کی نمائندگی کرینگے۔منفی 60 کلو گرام کلاس میں ہجرت اﷲ اور منفی 90 کلو گرام میں وجاہت سرور نمائندگی کرینگے۔ غلام مرتضٰی ٹیم منیجر جبکہ محمد رفیق کوچ کی حیثیت سے ٹیم کے ساتھ جائیں گے۔ پاکستان سپورٹس بورڈ نے اتھلیٹس کو این او سی جاری کر دیا ہے۔