کراچی: جنرل راحیل کا گاڑی کے شیشے نیچے کرکے شہر کا دورہ، صورتحال کا جائزہ

کراچی(ایجنسیاں) آرمی چیف جنرل راحیل شریف کراچی آمد پر شہر کی سڑکوں پر بلا خوف و خطر گاڑی کے شیشے نیچے کرکے سفر کرتے رہے۔ کور فائیو کے سربراہ لیفٹیننٹ جنرل نوید مختار انکے ساتھ تھے۔ میڈیا رپورٹس کے مطابق کراچی کی سڑکوں پر گاڑی کے شیشے نیچے کرکے آرمی چیف جنرل راحیل شریف نے اس بات کا یقین دلا دیا کہ امن اس شہر کا مقدر بننے والا ہے جہاں شہری بغیر خوف و خطر دن ہو یا رات سکون سے سفر کر سکیں گے۔ انہوں نے شہر کا جائزہ لیا۔