ٹرافی کی رونمائی، ویمن ٹی 20 ساگا پریمیئر لیگ آج شروع ہو گی

لاہور (سپورٹس رپورٹر+ نمائندہ سپورٹس) ساگا پریمیئر لیگ ویمن ٹی ٹونٹی لیگ آج سے قذافی سٹیڈیم لاہور میں شروع ہوگی۔ روزانہ دو میچز کھیلے جائیں گے۔ اس بات کا اعلان نائب صدر حلیمہ منیر نے ٹرافی کی تقریب رونمائی اور پریس کانفرنس سے خطاب کرتے ہوئے کیا۔ ایونٹ میں چار ٹیمیں ساگا پنجاب، ساگا سندھ، ساگا بلوچستان اور ساگا کے پی کے شامل ہیں۔ پنجاب ساگا کی کپتان جویریہ خان جبکہ نائب کپتان سعدیہ یوسف، مبینہ صدیق، عالیہ ریاض، سبحانہ، ارم جاوید،رامین شمیم، وحیدہ اختر،سدرہ نواز، نورین خلیل، حنا اعظم، ثناء تاج،فجر نوید، طیبہ ال حسینی اور کائنات امتیاز شامل ہیں۔ جمعہ 11 دسمبر کو فائنل کھیلا جائے گا۔