نیویارک : ڈرائیور نے کار راہگیروں پرچڑھا دی، متعدد زخمی

امریکی شہر نیویارک میں ایک ڈرائیور نے کار چڑھاکر متعدد راہگیروں اور سائیکل سواروں کو کچل دیا ۔ پولیس نے کار ڈرائیور کو گرفتار کرنے کا دعویٰ کیا ہے۔امریکی میڈیا کے مطابق گزشتہ روز ایک ڈرائیور نے اپنی کار نیویارک کے علاقے مین ہٹن میں راہگیروں اور سائیکل سواروں پر چڑھادی۔گاڑی سے کچل کر متعدد افراد زخمی ہوگئے۔ زخمی افراد کو ایمبولینسز کے ذریعے قریبی اسپتال منتقل کردیا گیا۔ پولیس نے کار ڈرائیور کر حراست میں لے کر تحقیقات شروع کردی ہیں۔گزشتہ ماہ ایک شخص نے مین ہٹن میں ہی سائیکل سواروں کے راستے پر گاڑی چلاکر متعدد سائیکل سواروں کو کچل دیا تھا۔اس کارروائی میں پانچ دوستوں سمیت نو افراد ہلاک اور متعدد زخمی ہوگئے تھے۔