لاہور (سٹاف رپورٹر)پنجاب یونیورسٹی شعبہ امور طلبہ کے زیر اہتمام انٹر ڈیپارٹمنٹل عارفانہ/صوفیانہ کلام اور ملی نغموں کے مقابلے 2019کا انعقاد الرازی ہال میں کیا گیاجس میں مختلف شعبہ جات سے طلبائو طالبات نے بڑی تعداد میں حصہ لیا۔انٹر ڈیپارٹمنٹل ملی نغمے گائیکی مقابلوں میں پنجاب یونیورسٹی شعبہ زوالوجی سے سیدہ مریم طاہر، ادارہ علوم ابلاغیات سے حلیمہ یوسف اور انسٹی ٹیوٹ آف بائیوکیمسٹری اینڈ بائیوٹیکنالوجی سے محسن فیاض نے بالترتیب پہلی ، دوسری اور تیسری پوزیشن حاصل کی۔ اسی طرح انٹر ڈیپارٹمنٹل عارفانہ/صوفیانہ کلام گائیکی مقابلوں میںانسٹی ٹیوٹ آف سوشل اینڈ کلچرل سٹڈیز سے عائشہ افضل ،کالج آف فارمیسی سے عائشہ رشید اور شعبہ فلاسفی سے زرتاج حسن نے بالترتیب پہلی، دوسری اور تیسری پوزیشن اپنے نام کی۔