اسرائیل کا بہترین دوست ہوں:امریکی صدرٹرمپ

امریکی صدر ڈونلڈ ٹرمپ نے بطور سرابراہ ریاست خود کو اسرائیل کا بہترین دوست قرار دیا ہے۔ غیرملکی خبررساں ادارے کے مطابق انہوں نے فلوریڈا میں اسرائیلی امریکن کونسل نیشنل سمٹ میں کہا کہ ان سے قبل وائٹ ہاوس میں اسرائیل کا اتنا بہترین دوست کوئی نہیں رہا، کیونکہ انہوں نے اپنے وعدوں کو وفا کیا ہے۔ ٹرمپ نے اس تناظر میں اسرائیل میں امریکی سفارتخانے کو کو تل ابیب سے یروشلم منتقل کرنے کا حوالہ بھی دیا۔ انہوں نے مزید کہا کہ ان سے قبل امریکی صدور نے اسرائیل کے ساتھ صرف زبانی وعدے کیے مگر ان پر عمل نہ کیا۔