آئی ٹی پی کا کالے شیشوں، فینسی نمبر پلیٹوں، ڈبل پارکنگ کیخلاف آپریشن

اسلام آباد(اپنے سٹاف رپورٹر سے)اسلام آباد ٹریفک پولیس کا کالے شیشوں، فینسی نمبر پلیٹوں، غیر قانونی اور ڈبل پارکنگ کے خلاف گرینڈ آپریشنز جاری،جن مقامات پر کارروائیاں عمل میں لائی گئیں ان میں اسلام آباد کے بڑے شاپنگ مالز،تجارتی مراکز، مارکیٹس خصوصاً جی الیون مرکز،ایف الیون مرکز،ایف ٹین مرکز،جی نائن مرکز،جی ایٹ مرکز، آئی ایٹ مرکز، بحریہ ٹاؤن، بلیوایریا،جناح سپر،F-6سپر مارکیٹ،آبپارہ اور بھارہ کہومارکیٹ شامل ہیں،ایس پی ٹریفک محمد سرفراز ورک کی زیر نگرانی ٹریفک قوانین کی خلا ف ورزیوں پر ٹریفک پولیس نے بلا امتیاز کارروائی کرتے ہوئے گزشتہ6   ماہ کے دوران متعدد گرینڈ آپریشن کئے گئے، اس مہم کیلئے ٹریفک پولیس کے افسران و جوانوں پر مشتمل اضافی نفری کے ساتھ اسپیشل اسکواڈ بھی تشکیل دے گئے ہیں جوکہ شام 7بجے سے رات  11بجے تک مارکیٹس میں گرینڈ آپریشنز کر رہے ہیں،ان گرینڈ آپریشنز کے دوران مختلف مارکیٹس میںگزشتہ 6  ماہ میں ٹریفک قوانین کی خلاف ورزیوں پر ٹوٹل4,72,726 چالان کئے گئے ۔