آسٹریلوی کرکٹ ٹیم کے سکیورٹی وفد کا دورہ پاکستان، صورتحال کا جائزہ

لاہور(سپورٹس رپورٹر)آسٹریلوی کرکٹ ٹیم کے دورہ پاکستان کو حتمی شکل دینے کے اقدامات آخری مراحل میں داخل ہوگئے ہیں۔اسی تناظر میں آسٹریلیا کرکٹ بورڈ کے چار رکنی وفد کی پاکستان آمد ہوئی ہے، آسٹریلوی وفد کراچی، اسلام آباد اور لاہور کا دورہ کریگا جہاں سکیورٹی، لاجسٹک اور کرونا صورتحال کاجائزہ لیگا۔اطلاعات ہیں کہ وفد پاکستان اور ویسٹ انڈیز کے درمیان کراچی میں شیڈول میچز کا جائزہ لے گا،دورے کے اختتام پر مہمان سکیورٹی وفد اپنی رپورٹ کرکٹ آسٹریلیا کو پیش کریگا۔ آسٹریلوی ٹیم آئندہ سال مارچ، اپریل میں 1998ء کے بعد پہلی بار  پاکستان کا دورہ کریگی۔