ممبئی(یواین پی)بالی ووڈ اداکارہ کترینہ کیف اور اداکار وکی کوشل کی شادی کیلئے 7 سفید گھوڑے منگوائے گئے ہیں۔ میڈیا کی رپورٹ کے مطابق، وکی کوشل اپنی دلہنیا کترینہ کیف کو لینے سفید گھوڑے پر آئیں گے۔واضح رہے کہ بالی ووڈ کی مشہور جوڑی کترینہ کیف اور وکی کوشل کی شادی کی تقریبات کا باقاعدہ آغاز ہو چکا ہے، اس خوبصورت جوڑی کی شادی رواں ماہ کی 9 تاریخ، بروز جمعرات طے پائی ہے۔کترینہ کیف اور اُن کے ہونیوالے دولہے وکی کوشل کی شادی لاکھ چھپانے کے بعد بھی نہ چھپ سکی اور اب میڈیا کی جانب سے باقاعدہ اس شادی کو کوریج دی جا رہی ہے۔