’’بادشاہی مسجد بہت خوبصورت ہے‘‘ ’’کوئی ہمیں پاکستانی مسٹر بین سے ملوا  دے‘‘انگلینڈ کی مشہور کرکٹ شائقین تنظیم بارمی آرمی کا ٹویٹ

لاہور (نیٹ نیوز) 17 سال بعد پاکستان کا دورہ کرنے والی انگلینڈ کی مشہور کرکٹ شائقین کی تنظیم بارمی آرمی پاکستان کے خوبصورت نظاروں سے محظوظ ہوئی۔ بارمی آرمی پر خوبصورت تاریخی بادشاہی مسجد کا سحر طاری ہو گیا۔ تنظیم کی جانب سے ٹویٹ میں بادشاہی مسجد کی بلندی سے لی گئی تصویر شیئر کی گئی اور لکھا ’’لاہور کی یہ مسجد کتنی خوبصورت ہے۔‘‘ انہوں نے واہگہ بارڈر پر ہونے والی تقریب میں بھی شرکت کی۔ اپنی ٹویٹ میں بارمی آرمی  نے لکھا ہو سکتا ہے ہم اگلے سال یہ تقریب بھارت کی طرف سے دیکھ رہے ہوں۔ ساتھ ہی بارمی آرمی نے مشہور زمانہ پاکستانی مسٹر بین سے متعلق بھی پوچھا کہ ہم اس سے ملنا چاہتے ہیں۔