حضرو (نمائندہ نوائے وقت) امیدوار برائے صوبائی اسمبلی حلقہ پی پی ون چنگیز خان کی سیاسی کامیابیاں عروج پر پہنچ گئیں جنرل کونسلر اہتشام بیگ نے سابق تحصیل ناظم رضا خان اوراپنے والد مرحوم طاہر بیگ کے ذاتی مراسم و تعلقات کی بنا پر چنگیز خان گروپ میں شمولیت کا باقاعدہ اعلان کر دیا اور آمدہ انتخابات میں انہیں بھر پور طریقے سے سپورٹ کرنے کی بھی یقین دہانی کرادی اہتشام بیگ نے 2018کے الیکشن میں پی پی ون پر مسلم لیگ ن کے امیدوار کو سپورٹ کیا تھا ،اس سے قبل بھی چنگیز خان کے ساتھ مختلف سیاسی جماعتوں کے عہدیداران و کونسلران نے چنگیز خان پر بھرپور اعتماد کا اظہار کرتے ہوئے انکے گروپ میں شمولیت اختیار کی تھی اس وقت چنگیز خان واحد سیاسی شخصیت ہیں جنکے ساتھ معتبر سیاسی شخصیات نے انکے ہاتھ مضبوط کرنے کا عزم کیا مختلف شخصیات کی شمولیت سے چنگیز خان کی سیاسی قوت میں آئے روز اضافہ ہو رہا ہے باوثوق ذرائع سے معلوم ہوا ہے کہ عنقریب ایک اہم سیاسی شخصیت چنگیز خا ن گروپ میں شامل ہونے جا رہی ہے۔