راولپنڈی(اپنے سٹاف رپورٹر سے )سابق وزیراعظم سینیٹر سید یوسف رضا گیلانی، مشیر وزیر اعظم قمر زمان کائرہ،سابق سپیکر ایاز صادق،میاں خرم رسول،وفاقی وزیر اطلاعات ونشریات مریم اورنگزیب کی خالہ ایم این اے طاہرہ اورنگزیب کی بڑی بہن سینٹر نجمہ حمید مرحومہ کی رہائشگاہ پر تعزیتی دعا کی اس موقع پر سابق وزیراعظم سید یوسف رضا گیلانی نے کہا مرحومہ نجمہ حمید ایک اچھا اخلاق رکھنے والی سیاستدان تھیں ان کے جانے سے مسلم لیگ ایک بہترین خاتون سیاستدان سے محروم ہوگئی ہے سابق سپیکرقومی اسمبلی سردار ایاز صادق بھی تعزیت کے لئے پہنچے انہوں نے کہا آ ج ہمیں اپنی بڑی بہن نجمہ حمید کی وفات نے سوگوار کر دیا ہے وہ ہر مشکل گھڑی میں میاں نواز شریف کے ساتھ کھڑی رہیں آمریت کے دور میں وہ ہماری بہن بیگم کلثوم نواز کے شانہ بشانہ تھیں اور مسلم لیگ کا پرچم اٹھائے رکھا دعا ہے کے اللہ تعالی مرحومہ کی مغفرت فرمائے اور لواحقین کو صبر جمیل عطا فرمائے اور مرحومہ کو جنت الفردوس میں اعلی مقام عطا فرمائے آمین.