چیئرپرسن چائلڈ پروٹیکشن ویلفیئر اینڈ بیورو سارہ احمد کا گل دائودی نمائش کا دورہ 

لاہور(لیڈی رپورٹر) چائلڈ پروٹیکشن اینڈ ویلفیئر بیورو کی چیئرپرسن سارہ احمد نے کہاہے کہ پھول انسان کی کمزوری ہیں ، رنگ برنگے پھول ماحول کو تازگی فراہم کرتے ہیں۔ انہوںنے ان خیالات کااظہارہارٹیکلچر سوسائٹی آف پاکستان کے زیراہتمام جیلانی پارک میںمنعقدہ گل داؤدی کی نمائش کے دورہ کے موقع پرکیا۔ سارہ احمد نے مختلف اقسام کے خوش نما پھول دیکھے اور پھولوں کی بہترین سجاوٹ اور ڈیزائننگ کی تعریف کرتے ہوئے کہا کہ جیلانی پارک مین بلند ترین پرچم کے ارد گرد گل داؤدی اور دیگر پھولوں کی نمائش عوام کے لئے دلچسپی کا باعث ہے،نمائش میں سینکڑوں اقسام کے پھول رکھے گئے ہیں۔