مغربی کلچر کے ذریعے ہمارے معاشرے کوکھوکھلاکیا جا رہا ہے۔رفیق شاہ

کراچی(نیوز رپورٹر )جماعت اھلسنت پاکستان کراچی کے رہنماءسید محمدرفیق شاہ نے کہاکہ مغربی تہذیب وثقافت نے ہمارے معاشرے کوکھوکھلا کردیاہے۔اخلاقی،سماجی،عائلی اور معاشرتی قدر یں کمزورسے کمزورترہوتی جارہی ہے۔فحاشی عریانی 
،بے راہ روی اورشراب،سودخوری، نے ہمارے معاشرے کواپنی لپیٹ میں لیاہواہے، آزادی اور حقوق نسواں کے نام پر ہماری بہن،بیٹیوں کو بے پردہ کردیاگیا ایک منصوبہ مندی کے تحت نظریاتی جنگ کے ذریعے ہمیں قرآن وسنت اوراسلامی اقدارسے دُورکرنے کی کوشش کی جارہی ہے۔انہوں نے ایک تقریب میں کہاکہ اتباع رسول ﷺہی کے ذریعے ہم اپنا کھویا ہوامقام دوبارہ حاصل کرسکتے ہیں قرآن و.اسوہ رسول ﷺقیامت تک کے انسانوں کیلئے پیغام ہدایت ہے۔سیکولرازم،لبرل ازم،الحاد، اسلاموفوبیا کی مختلف شکلیں ہے۔جو.ظلمت گمراہی اور بردباری کے راستے ہیں انسانیت کی بقاءو نجات اسلامی اقدارسے وابستگی میں ہے۔