22 ویں سراواک جونیئر انٹرنیشنل گالف چیمپئن شپ، ٹرپل اے ایسوسی ایٹس ایک اور پا کستانی سٹار کو سامنے لے آیا

اسلام آباد ( سپو رٹس ڈیسک ) عروبہ علی ملائیشیا میں ہو نے والی 22ویں سراواک جونیئر انٹرنیشنل گالف چیمپئن شپ میں پاکستان کی نمائندگی کریں گی۔ عروبہ علی کو ٹرپل اے ایسوسی ایٹس نے سپا نسر کیا ہے ۔مختلف کھیلوں میں ٹیلنٹ کو سپورٹ کرنے کی اپنی روایت کو برقرار رکھتے ہوئے ٹرپل اے ایسوسی ایٹس نے عروبہ علی کو اپنے برانڈ کا نمائندہ مقرر کرنے کا فیصلہ کیا ہے ۔عروبہ علی نے 2015 میں 14 سال کی عمر میں ایک گالف کھلاڑی کے طور پر اپنے کیریئر کا آغاز کیا۔انہوں نے صرف ایک سال کے مختصر عرصے میں اپنا پہلا گالف ٹورنامنٹ2016میں جیت لیا۔ ٹرپل اے ایسوسی ایٹس نے عروبہ کو اس مقام تک پہنچانے میں کلیدی کردار ادا کیا ۔ ٹرپل اے ایسوسی ایٹس نے مختلف کھیلوں جیسے کرکٹ، مکسڈ مارشل آرٹس، ایتھلیٹکس، باکسنگ، فٹ بال، گالف، ورچوئل گیمنگ جیسے کئی کھیلوں میں خواتین اور مردکھلاڑیو ں کو سپا نسر کیا ہے۔