گوجرانوالہ:  اسسٹنٹ کمشنر (سٹی)سے کرسچن کمیونٹی کے رہنماؤں کی ملاقات

گوجرانوالہ (نمائندہ خصوصی ) اسسٹنٹ کمشنر (سٹی) محمد سلیم آسی سے کرسچن کمیونٹی کے رہنماؤں نے کرسمس ڈے کے حوالے سے ملاقات کی ، اس موقع پر کرسچن کمیونٹی نے کرسمس کے موقع پر چرچز اور عبادت گاہوں کے اردگرد صفائی ستھرائی کے خصوصی انتظامات، مسیحی ملازمین کو قبل از کرسمس تنخواہوں کی ادائیگی، چرچز میں لائننگ اور لوڈ شیڈنگ نہ کرنے کے احکامات جاری کرنے کی اپیل کی،اسسٹنٹ کمشنر (سٹی) محمد سلیم آسی نے کرسچن کمیونٹی کی تمام معاملات اور امور کی جو نشاندھی کی گئی ہے ان کے حل کے لیے اسسٹنٹ کمشنر نے تمام متعلقہ محکمہ جات کو ہدایات جاری کر دی ہیں،اسسٹنٹ کمشنر محمد سلیم آسی نے کہا کہ ضلعی انتظامیہ اور محکمہ پولیس سمیت تمام محکمے اس مقدس تہوار کے موقع پر اپنی زمہ داریاں احسن طریقے سے سر انجام دیں گے.۔ملاقات کے موقع پر مسیحی برادری کے راہنما پادری فیصل پرویز، پادری عارف مسیح سراج، پروفیسر شہزاد لارنس، راحیل شفقت، چوہدری نسیم اختر، پادری ہارون اجمل اور دیگر شریک تھے۔