لاہور(نامہ نگار)انوسٹی گیشن پولیس نے قتل،اقدام قتل اور اغوا کی سنگین وارداتوں میں ملوث 7ملزمان گرفتار کر لئے ہیں۔ڈی آئی جی انویسٹی گیشن عمران کشور نے پریس کانفرنس کرتے ہوئے بتایا کہ انویسٹی گیشن پولیس رائیونڈ نے شہری کے اندھے قتل کی واردات ٹریس کر کے 3 ملزمان شاہد عرف شاہدی،فیصل عرف دانش اور شعبان مسیح کو گرفتار کر لیاہے۔انویسٹی گیشن پولیس ٹبی سٹی نے مخالفین کو اقدام قتل، اغوا  سمیت دیگر سنگین جھوٹے مقدمات میں پھنسانے والے 4ملزمان احسن عرف راجو ٹیکہ، شہزاد وزیر عرف حسن، ثقلین عباس اور ناصر کو گرفتار کیاہے۔