لاہور(سپورٹس رپورٹر)کراچی میں جاری نیشنل ٹی ٹونٹی کپ کے سپر ایٹ مرحلے میں  ایبٹ آباد نے لاہور وائٹس کو 22 رنز سے شکست دیدی۔ایبٹ آباد نے سجاد علی کے 90 اور کامران غلام کے 87 رنز کی بدولت 6 وکٹوں پر 205 رنز بنائے۔ لاہور وائٹس کی ٹیم 8 وکٹ پر 183 رنز بناسکی۔ محمد فائق 63 اور سعد نسیم 57 رنز بناکر نمایاں رہے۔کراچی وائٹس نے فاٹا کو 8 وکٹوں سے ہرادیا۔فاٹا نے 8 وکٹوں پر 139 رنز بنائے، کراچی وائٹس نے 19 اوورز میں ہد ف حاصل کرلیا، عماد عالم 53 اور خرم منظور 49 رنز کیساتھ نمایاںرہے۔ پشاور ریجن نے راولپنڈی ریجن کو سات وکٹوں سے شکست دیدی۔ راولپنڈی ریجن کی ٹیم 107 رنز پر آئوٹ ہوگئی، محمد عمران نے6 کھلاڑیوں کو آئوٹ کیا۔ پشاور ریجن نے ہدف 13.2 اوورز میں  حاصل کرلیا۔